Կարճաղբյուր գյուղը Վարդենիսի տարածաշրջանի գյուղերից է, գտնվում է Վարդենիսից 13կմ հարավ-արևմուտք, Սևանա լճի հարավ-արևելյան ափին, Վարդենիս-Երևան ճանապարհի վրա: Ունեցել է Գեդաբուլաղ անունը:
Հիմնադրվել 1829 թվականին Արևմտյան Հայաստանից եկած հայ գաղթականների կողմից: Բնակչությունը զբաղվում է անասնապահությամբ, հացահատիկի և կարտոֆիլի մշակությամբ: Գյուղում կա միջնակարգ դպրոց, մշակույթի տուն, գրադարան: Գյուղում և նրա շրջակայքում պահպանվել են բազմաթիվ հնագիտական հուշարձաններ, որոնցից հնագույնները Կարճաղբյուր գետի ձորակում սփռված ժայռապատկերներն են: Գյուղում կան «Ավերաժամ» (12-13 դարեր) և սբ. Գևորգ եկեղեցիները, «Թուխ Մանուկ» մատուռը, տարբեր դարերի գերեզմանոցներ: Գյուղի մոտ գտնվում են սբ. Աստվածածին և սբ. Սարգիս մատուռները, «Բերդի դոշ» կիկլոպյան ամրոցը, «Քարե դուռ» ամրոցը, անտիկ ժամանակաշրջանի բնակատեղի, բազմաթիվ դամբարաններ
